Auto Star Albania sh.a. është në kërkim të një individi të talentuar dhe ambicioz për pozicionin Specialisti i Kontrollit të Cilësisë, Departamenti i Pas Shitjeve.

Specialisti i Kontrollit të Cilësisë ka përgjegjësinë të sigurojë që shërbimi ose riparimet e kryera në çdo automjet dhe përmbushë maksimalisht kërkesat dhe nevojat e klientëve dhe të sigurojë që të gjitha shërbimet e kryera janë përfunduar në një mënyrë të saktë, cilësore dhe profesionale, konform standardeve dhe rregullave të Mercedes-Benz.

Detyrat dhe përgjegjësitë kryesore:

• Inspekton dhe, sipas nevojës, kryen provën në lëvizje/rrugë (test drive) për çdo automjet në të cilin janë kryer riparimet.
• Bashkëpunon me teknikët e diagnozës dhe menaxherin e Servisit dhe kryen inspektimin përfundimtar të automjetit të riparuar në lidhje me shkallën e realizimit të riparimeve, përshtatshmërisë në rrugë dhe besueshmërisë funksionale duke përdorur instrumentet e provës dhe të matjes.
• Kontrollon besueshmërisë funksionale të komponentëve kryesorë dhe sistemeve në kushtet testimit dinamik.
• Referuar listës së shërbimeve dhe kontrolleve të sigurimit të cilësisë, verifikon dokumentimin e performancës së cilësisë së riparimit/shërbimit.
• Të mbajë një regjistër të automjeteve të kontrolluara dhe rezultatin e këtyre inspektimeve sipas udhëzimeve të menaxhmentit.
• Monitoron performancën e punës së teknikëve/mekanikëve, nevojat për trajnim dhe fusha të tjera specifike siç mund të kërkohet nga menaxherët.
• Përgatit raporte mujore të përformancës së cilësisë së punimeve në Departamentin e Servisit.
• Bashkëpunon me Menaxherin e Servisit për të vendosur procedurat, standardet dhe sistemet e kontrollit të cilësisë së shërbimit/riparimit.
• Siguron që automjeti t’i dorëzohet klientit në gjendje të shkëlqyer.

• Të ketë diplomë e shkollës së lartë ose diplomë ekuivalente (arsimi profesional dega mekanike)
• Të ketë minimumi 3 vite eksperiencë në sektorin e riparimeve dhe mirëmbajtjes së automjeteve (avantazh përbën përvoja në një servis të autorizuar dhe/ose përfaqësi).
• Të ketë aftësi të shkëlqyera komunikimi, mbikëqyrëse dhe menaxheriale.
• Të ketë njohuri shumë të mira të sistemeve mekanike, elektrike dhe elektronike të automjeteve
• Përvoja e mëparshme në sektorin e kontrolli të cilësisë dhe menaxhimin e burimeve njerëzore është avantazh.
• Të ketë leje drejtimit të klasit B (lejet e tjera të drejtimit përbëjnë avantazh).
• Të ketë njohuri shumë të mira të gjuhës angleze (në të folur dhe në të shkruar).
• Të jetë i përkushtuar dhe serioz në punë.
• Të njohë shumë mirë programet bazë kompjuterike veçanërisht paketën Office (E-mail, Excel, Ëord, Poëer Point etj).
• Të ketë aftësi shumë të mira organizative dhe komunikimi.
• Të ketë aftësi shumë të mira për të punuar në grup.
• Të ketë aftësi të shkëlqyera në shërbimin ndaj klientit.
• Trajnimet, kualifikimet dhe certifikatat e ndryshme përbëjnë avantazh.

Kushtet: Auto Star Albania sh.a. ofron një paketë tërheqëse benefitesh, përfshirë shpërblim të drejtë bazuar në vlerësimin e meritave dhe performancës të secilit punonjës si dhe mundësi karriere.

Procedura e Aplikimit: Kandidatët e interesuar për këtë pozicion, janë të lutur të dërgojnë CV-në e tyre dhe një letër motivimi brenda datës 30 shtator 2019 në adresën e e-mail: info@mercedes-benz.al dhe arben.breshani@mercedes-benz.al duke specifikuar pozicionin për të cilin aplikon.

*Në respektim të Ligjit Nr. 9887, datë 10.3.2008 për Mbrojtjen e të Dhënave Personale i gjithë informacioni i dërguar nëpërmjet CV-së tuaj do të trajtohet në mënyrë konfidenciale dhe nuk do t’i shpërndahet asnjë pale të tretë.

• Shpërndaje në :