“SIGAL UNIQA Group AUSTRIA” sh.a.  pjese e Uniqa Group Austria, shoqëri sigurimi me eksperiencë 23 vjeçare, themeluar më 22 Shkurt 1999, e përfaqësuar me 8 kompani sigurimi jetë dhe jo-jetë, risigurime dhe fond pensionesh që ofron të gjitha klasat e sigurimit me 42 produkte, me rreth 1,500 punonjës dhe agjentë në mbi 900 zyra ku ajo operon dhe zhvillon aktivitetin e saj në 3 shtete: Shqipëri, Kosovë dhe Maqedoninë e Veriut, shpall 1 (një) vend të lirë pune për:

Menaxher i shitjeve AutoSOS, Departamenti i Marrjes në Sigurim të Mjeteve Motorike

Roli dhe Përgjegjësitë:

1. Është përgjegjës për shitjen dhe menaxhimin e shitjeve të produktit AutoSOS dhe realizimin e objektivave të shitjeve mbi bazë mujore dhe vjetore.
2. Është përgjegjës për zhvillimin e produktit, azhornimit të kushteve të marrjes në sigurim duke ju përshtatur tregut dhe kërkesave si dhe prishmërive të klientëve.
3. Është personi i kontaktit për marrëdheniet me partnerin EuropAsistance përsa i përket suportit të klientëve.
4. Menaxhon marrëdhënien me agjentët dhe degët për përmbushjen e pritshmërisë së tyre për shitjet e AutoSOS dhe përmbushjen e kushteve të shitjeve së tyre nga agjentët, brokerat por edhe online.
5. Harton raporte mujore, tremujore dhe vjetore për punën e kryer, rezultatet, problemet e shfaqura dhe zgjidhjen e tyre.
6. Ështe përgjegjës për informimin e eprorit duke e mbajtur të azhurnuar për çdo informatë lidhur me progresin/regresin e shtijese së produktit, problemet e shfaqura dhe zgjidhjen adekuate të tyre.
7. Kryen detyra të tjera profesionale, sipas kërkesës së eprorit, në përputhje me pozicionin e punës.

Kriteret që duhet të plotësohen janë:

• Të ketë mbaruar arsimin e lartë me preferencë inxhinieri mekanike.
• Me preferencë te ketë 3 (tre) vite eksperiencë në punë.
• Njohuri shumë të mira kompjuterike në programet e paketës Microsoft Office, internet.
• Njohuri shumë të mira të gjuhës Angleze (të shkruar dhe të folur).
• Të kenë aftësi shumë të mira komunikuese, pune në grup si edhe të jenë të përkushtuar dhe dinamik.

Të interesuarit, brenda datës 15.01.2023 të dorzojnë CV edhe letër reference nga punëdhënësi i mëparshëm (ose punëdhënësi aktual) në adresën zyrtare të e-mail-it: burimetnjerezore@uniqa.al  ose në postën e shkruar në adresën: Sigal Uniqa Group Austria; Departamenti Legal & Burimeve Njerëzore; “Qëndra e Biznesit  SIGAL”, Bul.“Zogu I”, Nr. 1, Tiranë ose na kontaktoni në numrin e telefonit: 04 22 333 08.

• Share on :