“ALKO IMPEX CONSTRUCTION” shpk, është një shoqëri me përgjegjësi të kufizuar e themeluar më 16 prill 2009. Fillimisht, objekti i saj i aktivitetit përfshinte ndërtimet civile dhe industriale, si dhe menaxhimin e projekteve në sektorin e hoteli-turizmit. Me kalimin e kohës, kompania ka zgjeruar ndjeshëm fushën e veprimtarisë së saj, duke u angazhuar në një gamë të gjerë aktivitetesh, si: • Shfrytëzimin dhe përpunimin e mineraleve të ndryshme, hapjen dhe shfrytëzimin e karrierave lumore dhe malore, prodhimin e inerteve. • Ndërtimin e autostradave, rrugëve, aeroporteve dhe objekteve sportive. • Punime të tjera të specializuara të ndërtimit, vendosjen e instalimeve të kanalizimeve të ndryshme. • Punime elektrike dhe hidroteknike, punime gjeodezike, punime vegjetative dhe vlerësime të ndikimit në mjedis. • Grumbullimin, pastrimin e mbetjeve urbane, grumbullimin, përpunimin dhe shitjen e skrapit. • Pastrimin e ambienteve të brendshme dhe të jashtme, sistemim-gjelbërim, shërbime lavanderie dhe dezinfektimi. • Kryerjen e seleksionimit të mbetjeve të ndryshme dhe mirëmbajtjen rutinë dimërore të rrugëve. • Thyerjen e gurit, dhënien e formës dhe finicionit. • Zhvillimin dhe ndërtimin në sektorin e energjisë, përfshirë projektimin, ndërtimin, financimin dhe shfrytëzimin e veprave të ndryshme në fushën e prodhimit të energjisë elektrike nëpërmjet veprave të ndryshme si hidrocentrale, impiante fotovoltaike, turbina eolike etj., dhe të çdo lloj ndërtimi në sektorin e energjetikës, etc... Ne përqafojmë një filozofi menaxheriale të bazuar në një organizim të strukturuar dhe të disiplinuar, duke vendosur në qendër asetet më të rëndësishme të saj – njerëzit dhe ekspertizën e tyre. Kompania ka një ekip menaxhimi të përkushtuar dhe të orientuar drejt së ardhmes, duke garantuar planifikim strategjik dhe implementim cilësor të projekteve. Përkushtimi i saj ndaj standardeve më të larta të cilësisë dhe inovacionit e pozicionon si një aktor të rëndësishëm në tregun e ndërtimit dhe infrastrukturës.